ЕЧЛ нимчорак финалининг жавоб ўйинида "Лион" дарвозасига гол урган (5:1) "Барселона" ҳимоячиси Жерар Пике фикрлари билан ўртоқлашди.

"Агар Суарес чарчаб қолганини сезсам, мураббийдан мени ҳужумга ўтказишини сўрайман. Умид қиламанки, уни кўндираман.

Менда устунлик пайдо бўлганини, гол уриш имкониятини сеза оламан. Ҳужумга ёрдам бериш менга доим ёққан.

Криштиану? Катта юлдузлар муҳим роль ўйнайдилар. Аммо улар совринга бир ўзи етиша олмайдилар.

Жамоангда Мессига ўхшаганлар бўлса, бу сенга ишонч ва керакли вақтда хотиржамлик беради. Унинг ишлари ақлга сиғмайди. У ажойиб ўйин ўтказди. Иккита гол, иккита ассист ва яна бир тўпни чизиқдан қайтариб қолишди", - дейди Пике.