14 март куни “Динамо” жамоаси ўринбосарлари саналмиш “Динамо” U-21 жамоаси Самарқанднинг Про-Лига А иштирокчиси саналмиш яна бир клуби “Шердор”га қарши ўртоқлик учрашувида майдонга тушди.

Тайлоқдаги “Боғизоғон” стадионида ўтган назорат баҳсида ҳар икки жамоа мураббийлари бир қатор футболчиларни синовдан ўтказишди.

Ўйинда ҳисобни ёш “динамочилар” очишди. 41-дақиқада тезкор яримҳимоячи Жасур Ашуров ҳисобни очган бўлса, иккинчи бўлимнинг бошида яна бир ёш ҳужумчи Отабек Равшанов ҳисобни 2:0га етказди. «Шердор» жамоаси 56-дақиқага келиб ҳисобни 2:1га қисқартирди. Назорат ўйини якунигача ҳисоб бошқа ўзгармади ва ёш "Динамочилар" ғалаба қозонишди.

Назорат учрашуви. 14 март (пайшанба)

Тайлоқ тумани, Боғизоғон ўйингоҳи.

«ДИНАМО» (U-21) – «ШЕРДОР» - 2:1

Голлар: Жасур Ашуров 41, Отабек Равшанов 46 – 56.

«Динамо» (ёшлар): Алижон Алимуҳаммедов (Фарҳод Раҳматов, 46), Азим Тиллаев, Рафаэль Девликамов (Дониёр Адашев, 69), Орзу Аҳмедов, Ҳумоюн Толибов, Орзумурод Асқаров (Феруз Саидов, 58), Анвар Муродов (Ҳасан Ҳожиев, 66), Жасур Ашуров (Шаҳзод Раупов, 69), Отабек Равшанов, Меҳрож Худойбердиев (Ислом Шарипов, 71), Далер Алмосжонов (Шербек Лапасов, 71).

«Шердор»: Равшан Ягудин, Бунёд Исроилов, Қиличев, Фирдавс Абдусалимов, Ғолиб Сарибоев, Саддам Боймаматов, Нурбек Олмосов, Жасур Қурбонов, Фаррух Фахрутдинов, Ражабов, Абдулло Набиев.