Ўзбекистон футбол федерацияси собиқ президенти, Олий Мажлис Сенати аъзоси, Миллий Олимпия қўмитаси собиқ раиси Мираброр Усмонов бугун, 15 март куни 71 ёшида оғир ҳасталикни бошидан кечиргач вафот этди.
Аввалроқ, Мираброр Усмонов 12 март куни ўпка ва нафас йўллари билан боғлиқ хасталик сабаб кома ҳолатига тушганидан сўнг Олимпия қўмитаси клиникасининг жонлантириш бўлимига ётқизилгани ҳақида хабар берилган эди.
Мираброр Усмонов шу йилнинг 1 март санасида Тошкентда Олий Мажлис Сенатининг ўн саккизинчи ялпи мажлисида охирги марта кўриниш берган. Усмонов мажлис охиригача ўтира олмасдан тоби қочиб йиғилиш залидан чиқиб кетган.
Мираброр Усмоновнинг жанозаси бугун, 15 март куни Тошкентдаги “Минор” масжидида жумъа намозидан сўнг ўқилади.