«Наполи» бош мураббийи Карло Анчелотти Европа лигаси нимчорак финал босқичи доирасида бўлиб ўтган «Зальцбург»га қарши бўлиб ўтган ўйиндан кейин ўз фикрлари билан ўртоқлашди.

«Ўйин бошидан ўз дарвозамиз олдида "ётиб" олмаслик — асосий вазифамиз эди. Бу борада режамиз иш берди ("Наполи" 14-дақиқада ҳисобни очди). Чорак финални интизорлик билан кутамиз. Аммо бу босқич қийин бўлади.

Ўйинга катта иштиёқ билан ёндошгандик. Аммо кейинчалик ўйинга қайтишимиз қийин кечди. Биринчи ўйиндаги 3:0 ҳисоби жавоб баҳси сўнгида ўзимизни эркинроқ ҳис қилишга ёрдам берди.

Мақсадимиз — Европа лигасида охиригача бориш. А сериядаги ҳолатимиз эса унчалик яхши эмас («Наполи» «Ювентус»дан 18 очко ортда қолмоқда).

«Сассуоло»га қарши ўйинда очко йўқотдик (1:1). Шу боис, Скудетто деярли қўлдан чиқди. Шунга қарамай, иккинчи ўринни сақлаб қолишимиз керак», – деди Анчелотти.