«Napoli» bosh murabbiyi Karlo Anchelotti Yevropa ligasi nimchorak final bosqichi doirasida bo‘lib o‘tgan «Zalsburg»ga qarshi bo‘lib o‘tgan o‘yindan keyin o‘z fikrlari bilan o‘rtoqlashdi.

«O‘yin boshidan o‘z darvozamiz oldida "yotib" olmaslik — asosiy vazifamiz edi. Bu borada rejamiz ish berdi ("Napoli" 14-daqiqada hisobni ochdi). Chorak finalni intizorlik bilan kutamiz. Ammo bu bosqich qiyin bo‘ladi.

O‘yinga katta ishtiyoq bilan yondoshgandik. Ammo keyinchalik o‘yinga qaytishimiz qiyin kechdi. Birinchi o‘yindagi 3:0 hisobi javob bahsi so‘ngida o‘zimizni erkinroq his qilishga yordam berdi.

Maqsadimiz — Yevropa ligasida oxirigacha borish. A seriyadagi holatimiz esa unchalik yaxshi emas («Napoli» «Yuventus»dan 18 ochko ortda qolmoqda).

«Sassuolo»ga qarshi o‘yinda ochko yo‘qotdik (1:1). Shu bois, Skudetto deyarli qo‘ldan chiqdi. Shunga qaramay, ikkinchi o‘rinni saqlab qolishimiz kerak», – dedi Anchelotti.