“Пахтакор” футбол академиясининг турли ёш тоифасидаги жамоалари март ойида халқаро мусобақаларда иштирок этади.
16-22 март кунлари Қозоғистоннинг Олма-Ота шаҳрида “Наврўз Кубоги” турнири ўтказилади. Унда “шерлар” академиямисининг биратўла уч ёш тоифаси 4 жамоа сифатида қатнашади. 2010 (Сарвар Ҳайдаров), 2008 (Бобур Абдураҳмонов, Асқар Холмуродов) ва 2007 (Шуҳрат Бўриев) йилда туғилган тарбияланувчиларимиз ушбу мусобақада жамоамиз ва юртимиз шарафини ҳимоя қилишади.
Шунингдек, Бахтиёр Нуралиев бошчилигидаги 2005 йил тарбияланувчилари Тожикистоннинг Гулистон шаҳрида 22-27 март кунлари бўлиб ўтадиган “Марказий Осиё Кубоги”да иштирок этишади.
