“Пахтакор” – “Локомотив” учрашувидан сўнг “темирйўлчилар” жамоаси устози Андрей Фёдоров қуйидагича фикр билдириб ўтди. 

“Пахтакор” жамоасини ғалаба билан табриклайман. Лекин ўйин борасида айтганда, биз 1:3 ҳисобидаги мағлубиятга лойиқ эмас эдик. Иккинчи тайм бошида бироз сустлашдик ва натижада 2 та тезкор гол ўтказиб юбордик. Уёғига эса “Пахтакор” ёпилиб олди ва бизнинг гол киритишимиз қийинлашди. Чемпионатда энди биринчи ўйинни ўтказдик. Ҳали олдинда учрашувлар кўп. Хатолардан тўғри хулоса чиқарган ҳолда, ўйин сифатини яхшилашга ҳаракат қиламиз", - деди мутахассис.