“Реал” бош мураббийи Зинедин Зидан “Сельта”га қарши ўйиндан сўнг фикрларини билдириб ўтди.

Ўйин ҳақида

“Биринчи бўлимда бироз қийналдик. Бизда бир нечта муаммолар бор ва бу одатий ҳол. Иккинчи бўлим ҳам осон ўтмади. ушбу ғалабада мухлисларнинг ҳам ҳиссаси бор.

Натижадан мамнунман, чунки энг асосийси – ғалаба. Қайтганимдан сўнг, бор йўғи уч маротаба машғулот ўтказдик ва бу ғалаба биз учун керак эди.

Иско гол урганидан ҳурсандман. Ҳозир бизда бироз вақт бор. Терма жамоалар йиғинига чақирилган футболчилар ўз устиларида ишлашлари керак. Бор йўғи 10 та ўйин қолди, мавсумни яхши тугатишимиз лозим.

Ҳиссиётлари ҳақида

“Биз ғалаба қозонишни интилдик ва ўз мақсадимизга эришдик. Яхши старт олдик ва буёғига сабр тоқат билан ҳаракат қилишимиз шарт”, - дейди франциялик мутахассис.