Бугун ПФЛ мажлислар залида Суперлигада иштирок этаётган клубларнинг стадион директорлари, хавфсизлик хизмати ходимлари, маркетинг менежерлари ҳамда фан-клуб раҳбарлари иштирокида йиғилиш бўлиб ўтди.
Йиғилишда барча йўналишлар бўйича қилинаётган ишлар муҳокама қилинди. Хусусан, стадионларнинг ҳозирги ҳолати, хавфсизликни таъминлаш бўйича олиб борилаётган ишлар кўриб чиқилди.
Бу йилдан эътиборан Кока Кола компанияси Суперлиганинг расмий ҳомийсига айланганидан хабарингиз бор. ПФЛ расмийлари маркетинг менежерларига ўз йўналишлари бўйича қўйилаётган янги талабларни маълум қилди.
«Бунёдкор» фан-клуби кутилмаган ғоялари-ю, фаоллиги билан доимо ажралиб турган. Бугунги йиғилишда иштирок этган фан-клуб раҳбари Шавкат Имомов мухлислар клубининг янги мавсум олдидан амалга оширган ишлари бўйича ўз фикрларини билдириб ўтди.
Жумладан, тасдиқланган йиллик режа, ишқибозлар учун тайёрланган байроқ, футболка, шарф, кепкалар масжлис иштирокчиларига намойиш қилинди. Қолаверса, умумий режалар бўйича ҳам фикрлар алмашилинди.
