Bugun PFL majlislar zalida Superligada ishtirok etayotgan klublarning stadion direktorlari, xavfsizlik xizmati xodimlari, marketing menejerlari hamda fan-klub rahbarlari ishtirokida yig‘ilish bo‘lib o‘tdi.
Yig‘ilishda barcha yo‘nalishlar bo‘yicha qilinayotgan ishlar muhokama qilindi. Xususan, stadionlarning hozirgi holati, xavfsizlikni ta’minlash bo‘yicha olib borilayotgan ishlar ko‘rib chiqildi.
Bu yildan e’tiboran Koka Kola kompaniyasi Superliganing rasmiy homiysiga aylanganidan xabaringiz bor. PFL rasmiylari marketing menejerlariga o‘z yo‘nalishlari bo‘yicha qo‘yilayotgan yangi talablarni ma’lum qildi.
«Bunyodkor» fan-klubi kutilmagan g‘oyalari-yu, faolligi bilan doimo ajralib turgan. Bugungi yig‘ilishda ishtirok etgan fan-klub rahbari Shavkat Imomov muxlislar klubining yangi mavsum oldidan amalga oshirgan ishlari bo‘yicha o‘z fikrlarini bildirib o‘tdi.
Jumladan, tasdiqlangan yillik reja, ishqibozlar uchun tayyorlangan bayroq, futbolka, sharf, kepkalar masjlis ishtirokchilariga namoyish qilindi. Qolaversa, umumiy rejalar bo‘yicha ham fikrlar almashilindi.
