Профессионал бокснинг ярим ўрта (-66,68 кг) вазн тоифасида рингга чиқаётган ўзбекистонлик Санжарбек Раҳмонов (11-1-1, 5 КО) апрел ойида ўзининг навбатдаги жангини ўтказади.
Флойд Мейвезернинг Mayweather Promotions промоутерлик компанияси таркибида машғулотлар олиб бораётган Раҳмонов 5 апрель куни америкалик Кит Ҳантерга (9-0, 7 КО) қарши рингга чиқади. Жанг Санжар Раҳмонов учун қадрдон бўлиб қолган Лас-Вегасдаги Samʼs Town Hotel & Gambling Hall саройида бўлиб ўтади. Сўнгги бешта жангини Санжарбек айнан шу аренада ўтказган.
Эслатиб ўтамиз, Раҳмонов сўнгги марта 7 декабрь куни Жонатан Стилга (9-2-1, 6 КО) қарши рингга чиқиб, рақибини очколар ҳисобига кўра мағлубиятга учратганди.