Россиянинг Краснодар шаҳрида давом этаётган Сергей Игоревич Вахрушев хотира турнирида гуруҳ учрашувлари якунланди.

Гуруҳнинг сўнгги учрашувини мезбонларга қарши ўтказган «Бунёдкор-2003» мағлубиятга учради. Аввалги икки ўйинда ўз дарвозаси даҳлсизлигини сақлай олган «Краснодар» жамоаси бу сафар ҳам бунинг уддасидан чиқа олди ва шу тариқа гуруҳда биринчи ўринни эгаллади.

Гуруҳнинг иккинчи учрашувида «Динамо-Минск»дан устун келган «Чертаново» иккинчи ўринни ўзиники қилди. «Бунёдкор-2003» учинчи ўрин билан кифояланди.

Темур Бобохонов шогирдлари 22 март, жума куни «Б» гуруҳида 4-ўринни эгаллаган жамоага қарши майдонга чиқади.

ХОТИРА ТУРНИРИ
«Краснодар» – «Бунёдкор» – 5:0
Голлар: Коротков, Попов, Гайворонский, Шепет, Берзегов