Ўзбекистон муай-тай терма жамоаси 2019 йилнинг 8-20 март кунлари Тайланднинг Бангкок ва Паттая шаҳрида бўлиб ўтган XVI-Жаҳон чемпионатида иштирок этди. Бу ҳақда Worldnews.uz мухбири хабар бермоқда.
Ўзбекистон терма жамоаси шарафини ҳимоя қилган муай-тайчилар ёшлар ўртасида ўтказилган баҳсларда 6 олтин, 5 кумуш, ўсмирлар ўртасида 6 олтин, 3 кумуш, 8 бронза, катталар ўртасида 1 олтин, 3 кумуш, 5 бронза медалларини эгаллашди.
Эътиборлиси, ўзбекистонлик катта спортчилар ярим профессионаллар ўртасида 4 олтин ва чемпионлик камари, 2 кумуш медалларни қўлга киритди. Шу тариқа, Ўзбекистон муай-тай терма жамоаси умумжамоа ҳисобида 3 ўринни эгаллади. Маълумот ўрнида, ушбу Жаҳон чемпионатида 52 мамлакат спортчилар қатнашди.
Жаҳон чемпионатида совриндор бўлган ўзбекистонлик спортчилар рўйхати:
Ёшлар ўртасида
35 кг вазн тоифасида Рахмонов Арсений биринчи ўрин (Хоразм вилояти Урганч шаҳар 10-сонли мактабнинг 5-синф ўқувчиси).
48 кг вазн тоифасида Лазизов Амирхон биринчи ўрин (Тошкент шаҳар Юнусобод тумани 5-сонли мактаб 10-синф ўқувчиси)
37 кг вазн тоифасида Тожимаҳамадов Муҳаммадюсуф иккинчи ўрин (Тошкент шаҳар Юнусобод туман 260-сонли мактаб 7-синф ўқувчиси)
48 кг вазн тоифасида Алламуродов Темур иккинчи ўрин (Тошкент шаҳар Чилонзор тумани 101-сонли мактаб 7-синф ўқувчиси)
Ўсмирлар ўртасида
75 кг вазн тоифасида Юлдашев Йўлдош иккинчи ўрин (Хоразм вилояти Урганч шаҳар 3-сонли мактабнинг 9-синф ўқувчиси)
91+ кг вазн тоифасида Абдуллаев Лазиз биринчи ўрин (Навоий вилояти Зарафшон шаҳар касб-хунар коллеж 3-курс талабаси)
Катталар ўртасида
63,5 кг вазн тоифасида Холмирзаев Шероз биринчи ўрин (Самарқанд вилояти)
91+кг вазн тоифасида Раҳмонов Темур иккинчи ўрин (Хоразм вилояти)
Ярим профессионаллар ўртасида
54 кг вазн тоифсида Убайдуллаев Мироншоҳ чемпионлик кубогини қўлга киритди. (Бухоро вилояти)
57 кг вазн тоифасида Мўйсинов Шаҳбоз иккинчи ўринни қўлга киритди. (Тошкент шаҳар)
60 кг вазн тоифасида Жўраев Шахриёр биринчи ўрин ва чемпионлик камарини қўлга киритди. (Самарқанд вилояти)
75 кг вазн тоифасида Тўхтабоев Наимжон биринчи ўрин ва чемпионлик камарини қўлга киритди. (Наманган вилояти)
81 кг вазн тоифасида Жаббаров Темур биринчи ўринни ва чемпионлик камарини қўлга киритди. (Самарқанд вилояти)
91 кг вазн тоифасида Ҳамдамов Бобур иккинчи ўрин (Тошкент шаҳар) қўлга киритди.
