«Манчестер Юнайтед» клубининг собиқ бош мураббийи Жозе Моуриньо ўз режалари ҳақида гапириб берди.
«Ёзда, июнь ойида ишга қайтишни режалаштиряпман. Янги клубда мавсумолди тайёргарлигини бошлашим лозим.
Уч-тўртта клубнинг таклифини қабул қилмадим. Чунки нимани хоҳлаётганимни аниқ биламан. Йўқ дейишим керак эди.
Ҳеч нарса ҳақида афсусланмайман. 2,5 ойдан бери ишсизман, лекин барибир ишлаяпман. Ўзимни кейинги ишга тайёрламоқдаман. Мен таътилда эмасман», – деб Моуриньо сўзларини келтирмоқда Sky Sports.
Аввалроқ, Моуриньонинг «Реал»га қайтиши ҳақида хабарлар тарқалган эди. Аммо Мадрид клуби Зинедин Зидан номзодини маъқул кўрди.
