"Манчестер Юнайтед" клуби ва Бельгия терма жамоаси футболчиси Ромелу Лукаку ўз мамлакатининг энг зўр ҳужумчиси деб атади.
"Одамлар мендан баъзан Бельгия термасининг барча замонлардаги энг яхши уч ҳужумчиси номига лойиқлигимни сўрашади. Ҳа, ҳа ва яна бир бора ҳа. Мен мамлакат тарихидаги энг яхши ҳужумчиман дея оламан. Мен қолганлардан километрлар олдиндаман, буни сизга айтяпман", - дейди Лукаку Otro нашрига.
Лукаку Бельгия термасида урилган голлар бўйича рекордчи ҳисобланади. 25 ёшли футболчи миллий жамоасининг 79 ўйинида 45 марта гол урган. Миллий жамоа сафидаги дебютини 17 ёшида Хорватия билан ўртоқлик ўйинида ўтказган. Термадаги биринчи голини 18 ёшида Россия терма жамоаси билан назорат ўйинида урган.
