«Сантос» ва Бразилия терма жамоаси ҳужумчиси Неймар Италия фуқаролигини олди, деб хабар бермоқда инсайдер Николо Скира.
«Бугундан бошлаб Неймар расман Италия фуқароси ҳисобланади. У Италия фуқаролигини, жумладан, Эмилиано Нитти юридик фирмасининг қўллаб-қувватлаши туфайли қўлга киритди», — деб ёзди Скира ўзининг X саҳифасида.
Аввалроқ 34 ёшли ҳужумчи Бразилия терма жамоасининг ЖЧ-2026 учун кенгайтирилган таркибидан жой олиши маълум бўлган эди.













