Бу йилдан Ўзбекистон Суперлигасида тўп сура бошлаган “Сурхон” профессионал спорт клуби томонидан бугун тақдимот маросими ўтказилди.
Унда Сурхондарё вилояти ҳокимининг ўринбосари Рўзимурод Чориев, клуб директор ўринбосари И.Йўлдошев, спортчилар, футбол мухлислари ҳамда оммавий ахборот воситалари вакиллари иштирок этдилар.
Маросимда футболчиларимиз олдида турган масъулиятли вазифалар, галдаги режалар ҳақида сўз юритилиб, жамоа аъзоларига суперлига баҳсларида муваффақиятлар тиланди.
Биз Сурхондарё халқини ишончини оқлаш учун келганмиз. Бу йили бор кучимизни ишга солиб, имкон қадар кучли олтиталикка киришга ҳаракат қиламиз дейди “Сурхон” жамоаси сардори – Дилшод Жабборов.
Шундан сўнг, жамоанинг янги таркиби жамоатчиликка таништирилиб, футболчилар ва маҳаллий ёш иқтидор соҳибларига рақам топширилди.
Тадбир сўнгида футболчиларга муҳлислар ўзларининг қизиқтирган саволлари билан мурожаат қилдилар ва футболчилар муҳлисларнинг саволларга жавоб бердилар.
"Сурхон" ПФК матбуот хизмати
