“Бунёдкор” жамоаси Суперлиганинг 2-турида “Пахтакор”га қарши майдонга тушади.
“Бунёдкор” фан-клуби пойтахт дербисига тайёргарлик кўриш мақсадида бугун жамоага бефарқ бўлмаган мухлислар учун йиғилиш ўтказади. Ишқибозларни “Миллий” стадионнинг 4-кириш дарвозаси олдига соат 16:00га келишлари сўралади.
Мухлислар ўзлари билан паспорт нусхаси ва 2 дона 3х4 ўлчамдаги фотосурат олиб келишлари лозим. Фан-клубга аъзо бўлган ишқибозларга футболка, кепка ва шарф тақдим қилинади. Фаоллиги билан ажралиб турган мухлис йил якунида клуб томонидан махсус совға билан тақдирланади.
