Санкт-Петербургнинг «Зенит» клуби ҳамда Эрон термаси футболчиси Сардор Азмун миллий жамоалар ўйинлари туфайли юзага келган танаффус пайтида табиий офатдан жабр кўрган ҳамюртларига ёрдам қўлини чўзди.
Сўнгги пайтларда Эроннинг шимолий қисмида тез-тез сув тошқинлари кузатилмоқда ва айни дамда селдан жабрланганлар сони юз минглаб кишини ташкил этмоқда. Бу ҳақда маҳаллий органлар хабар беришган.
Бундан ташқари, бир сутка ичида бирданига Эроннинг 13та провинцияси қор бўронлари ва сел кузатилган.
Март ойи охирларига белгиланган ФИФА кунларида Осиё кубоги-2019 ярим финалчиларидан бири - Эрон термаси ўйин ўтказмай, дам олишга қарор қилди. Шу боис «Зенит» форварди Сардор Азмун таътил давомида қадрдон гўшаларига борди.
Бу футболчи Голестан провинциясидаги Гомбеде-Кавус шаҳрида туғилган. Айнан Голестанда эронлик ҳужумчи маҳаллий аҳолига хайрия ёрдам кўрсатди: сув тошқинлари бўлган кўчаларни махсус қайиқда кезиб чиқди, сув, озиқ-овқат ва дори-дармонлар ташиди, гуманитар кўмак тарқатди, турли акцияларда қатнашди.
