Шу кунларда Грузия пойтахти Тбилиси шаҳрида дзюдо бўйича анъанавий “Гран-При” халқаро турнири давом этяпти. 52 та давлатдан 371 нафар (204 эркак, 167 аёл) спортчи қатнашаётган нуфузли мусобақада юртимиз шарафини 6 нафар дзюдочи ҳимоя қилмоқда.
Бугун турнирнинг биринчи кунида -60 кг вазн тоифасидаги баҳсларда ҳамюртимиз Шарофиддин Лутфуллаев татамига чиқди. Юқори рейтинг даражаси сабаб биринчи даврадан эркин ўтган полвонимиз иккинчи босқичда қозоғистонлик Рустам Ибраевни мағлуб этди, афсуски ярим финалда франциялик Велиде Кхярга имкониятни бой бериб қўйди.
Учинчи ўрин учун кечган баҳсларда Шарофиддин россиялик Яго Абдуладзе ва мўғулистонлик Ганбат Болдбаатарни мағлубиятга учратиб, бронза медалини қўлга медали ҳамда Токио Олимпиадаси учун рейтинг очколарини қўлга киритди.
