Хабар бериб ўтганимиздек, бугун ўзбек бокси тарихида илк маротаба Республикамиз бўйлаб катта FLASHMOB ташкил этилди.

Аввалроқ, Тошкент шаҳрида ўтказилган тадбир ҳақида маълумотларни бериб ўтгандик. Қайд этиш лозимки, ушбу тадбирлар бир вақтда, соат 12:00да бугун Ўзбекистон бўйлаб бошланди. Вилоятларда ўтказилган тадбирларда Исроил Мадримов, Элнур Абдураимов, Шунқор Абдурасулов каби боксимиз юлдузлари ҳам мухлислар учун ўз маҳоратларини намойиш этиб беришди.

Албатта, бундай тадбирларни ташкил этишдан мақсад, ёш авлодда боксга бўлган қизиқишни ошириш, улар орасида соғлом турмуш тарзини тарғиб қилишдан иборатдир. Зеро, ана шундай қизиқиш орқали биз янгидан-янги чемпионларга эга бўламиз!

Эътиборингизга вилоятларда ташкил этилган тадбирлардан суратларни ҳавола қиламиз.