Футбол оламидаги нашрлар ёзда бўлиши кутилаётган трансферлар ҳақида бонг уришни бошлаб юборди. Дарҳақиқат, кўплаб грандлар ёзги трансфер ойнасининг очилишини бесабрлик билан кутишмоқда, сабаби янгиланган таркиб ва янги футболчилар эвазига ўз клубларининг аввалги даражасига чиқиб олишини жуда исташмоқда. Шундай экан, биз ҳам ишончли манбаларга суянган ҳолда амалга ошиш эҳтимоли юқори бўлган траснферлар ҳақида сўз юритамиз.
Пауло Дибала
Аргентиналик футболчи бу мавсумда сира ўзига ўхшамаяпти. Ўтган мавсумда 10 та ассист ва 24 та гол уришга муваффақ бўлган футболчи бу мавсумда атиги 4 бор рақиб дарвозаларини ишғол қилди. Роналдунинг келиши эвазига Алегри уни ўнг қанот ярим ҳимоясига кўчирди. Дибала эса янги позицияга сира мос келмаяпти, келмаса ҳам керак. Шундай экан, Дибала ўз келажаги учун ҳам ёзда клубни тарк этиши шарт. Унинг учун кўплаб клублар қизиқш билдиришмоқда…
«Интер»
Янги инвесторлар клуб постига келганида кўпчилик «Интер»нинг иккичи «ПСЖ» бўлишини кутган эди. Бизнесмен эса, секин-асталик билан клубни кучайтириб бориш йўлидан кетмоқда. «Интер» ўтган мақолаларимиздан бирида хабар берганимиздек, Икардини ёзда сотиб юборади. «Интер» сафида ҳозир Икардининг даражасидаги футболчи йўқ. Тан олиш керак, «Интер» Икардининг атрофида қурилган тактикада майдонда ҳаракат қилмоқда. Агар аргентиналик футболчи клубдан кетадиган бўлса, бу услуб ҳеч нарсага ярамай қолади. Бу вазиятдан олиб чиқибкетишнинг энг оригинал ечими бу - Дибалани ҳарид қилиш!
Ўз-ўзидан «Интер» ўз етакчисини яхшигина пуллаши аниқ. Бу эса, Дибала трансфери учун ортиқча молиявий муаммолардан қочиш учун имконият яратади. Қисқача қилиб айтганда, бу трансфердан ҳамма ютади.
У Роналдунинг соясида қолиб кетишдан чўчимоқда. Сабаби Криш келгач, трансфер суммаси кескин пасайиб кетди. Унга бўлган ишонч ҳам тобора камайиб бормоқда. Дибала бу ишонч ва мухлислар меҳрини тўлиқ бой бермаслиги учун ҳам клубдан кетиши талаб этилади.
«Ливерпуль»
Дибала «Палермо»да ўйнаб юрган пайтларида «Ливерпул» футболчига таклиф билан чиққанидан кўпчиликнинг хабари бўлмаса керак. Қарийиб 5 йилдан бери «қизиллар» Паолони кузатиб келишмоқда. Унинг ўйин услуби ҳозирда «Ювентус»никига мос келмаётганидан унумли фойдаланиш мақсадида «Ливерпуль» футболчини ўзига оғдиришга уруниб кўриши аниқ.
Бир қарашда ҳужумдаги учлик самарали ўйнаб турган бир пайтда Дибала яна заҳирада қоладими деган ҳақли савол пайдо бўлиши аниқ, лекин бу мавсум Клопп бир нечта ўйинларда 4-2-3-1 тактикасида ҳаракат қилганини ҳисобга олсак, Дибала янги услубга мос келиши аниқ. Сезган бўлсангиз, бу мавсумда Салоҳ ва Мане қанот ҳужумчисидан кўра қанот ярим ҳимоячиси зонасига яқинроқ ўйнашмоқда. Фирмино эса классик 9-рақам остида. Агар Дибала келадиган бўлса, бу услубга таянган «Ливерпуль» қўрқинчли кўриниш олади. Ҳужумчи ортида тўп суриш Паолога ўз ўйинини тўлиқ намойиш этиш имконини беради.
«Ювентус»да қолиш
Албатта, заҳирасида Дибаладек футболчиси бўлишини ким ҳам хоҳламайди! Унинг даражасидаги футболчиларни ҳозирда топиш жуда қийин. Афсуски, Алегри Роналду ўзини яхши ҳис қилиши учун Дибаланинг
позициясини ўзгартиришга мажбур болмоқда, аммо бу Дибала «Юве»га керакмас дегани эмас. Алегрининг ўзи мавсум сўнгида клубдан кетиши таҳмин қилинмоқда. Бу эса, Дибалага умид бериши аниқ. Шундай экан, футболчининг клубда қолиш варианти устида ҳам яхшилаб бош қотириши керак эканлигини билдиради. «Юве» ҳар доим ҳам катта трансферларга қўл уравермайди агар, уни қўйиб юборадиган бўлса, Дибала даражасидаги футболчини катта суммага ҳарид қилишига ишониш бироз қийинроқ.
Вақт ўтгани сайин Дибала ўзига бўлган ишончини йўқотиб бормоқда. Бу вазиятдан чиқишнинг ягона йўли уни уни қайтариб олиш шарти билан кучли клублар бирига ижарага бериш. «Юве» бу йўл орқали ўз футболчисини юқори формада ушлаб туриш имконига эга бўлади. Замонавий футболда бу жуда муҳим фактор!
Бу клублардан ташқари «Атлетико Мадрид» клуби ҳам футболчини ўз сафига қўшиб олишга интилмоқда, лекин Гризман бор экан Дибалага у ерда хожат йўқ. Агар, «Атлетико Мадрид» ўз ҳужумчисини «Барселона»га сотадиган бўлсагина Дибалани ҳарид қилишга уриниб кўради, акс ҳолда, бу ҳақида ўйлаб ўтириш ҳам шарт эмас.
