«Реал» бош мураббийи Зинедин Зидан жамоа яримҳимоячиси Гарет Бэйлнинг жамоа натижаларига қўшган ҳиссаси ҳақида гапирди.
«Гарет — «Реал» учун муҳим футболчи. Биз у жамоа учун қилган ишларни қадрлаймиз. Ҳеч ким унинг «Реал» муваффақиятларига қўшган ҳиссасини инкор этолмайди. Бэйл келажакда ҳам бизга ёрдам беришига умид қиламиз. Яна 10 ўйин қолди. Кўрамиз, нима бўларкан», —дея Зиданнинг сўзларини келтирмоқда Sky Sports.
Бэйл «Реал» сафида 2013 йилдан буён тўп суриб келмоқда. Жорий мавсумда уэльслик футболчи Испания чемпионатида мадридликлар клуби сафида 22 ўйин ўтказиб, 8 гол урган ва 2 голга узатма берган.
«Реал» 28 турда 54 очко тўплаган ҳолда Испания Примероси турнир жадвалида 3-ўринда бормоқда.
