Хабарингиз бор, кеча Озарбайжон пойтахти Боку шаҳрида бокс бўйича "Буюк ипак йўли" халқаро турнири ниҳоясига етди.
Мусобақада ўзбекистонлик чарм қўлқоп усталари ҳам иштирок этишди ва 3 та олтин, 2 та кумуш ва 3 та бронза медалларини қўлга киритиб, умумжамоа ҳисобида иккинчи ўринни эгаллашди.
Ушбу мусобақада иштирок этган терма жамоамиз аъзолари бугун юртимизга қайтиб келишади. Боксчиларимиз жой олган самолёт бугун Тошкент вақти билан соат 21:10 да юртимизга қўнади.
Фурсатдан фойдаланиб, кутиб олиш маросимига оммавий ахборот воситалари ходимлари ва мухлисларни таклиф қилиб қоламиз.
