"Манчестер Юнайтед" клуби ушбу мавсумда "Вулверхэмптон" билан уч марта тўқнаш келиб, уларнинг ҳеч бирида рақибни мағлуб эта олмади. "Бўрилар" бундан 2 ҳафта илгари Сульшер жамоасини Англия кубогидан чиқариб юборишганди. Бу сафар манкунианликлар АПЛнинг 33-тури доирасида "Вулверхэмптон"га имкониятни бой беришди.

Ўйиннинг 13-дақиқасида Мактомини меҳмонларни олдинга олиб чиқди. Орадан кўп ўтмасдан майдон эгалари ҳисобни тенглаштиришди. Гол муаллифи — Диогу Жота.

Иккинчи бўлимнинг 57-дақиқасида Эшли Янг майдон четлатилди. У икки марта тезликдан Диогу Жотага ютқазиб, рақибни икки марта қўполлик билан тўхтатишга мажбур бўлди. "МЮ" қолган дақиқаларда камчилик бўлиб ўйнагани етмаганидек, баҳс тугашига 13 дақиқада қолганида Смоллинг ўз дарвозасини ишғол қилиб қўйди.

Ушбу мағлубият туфайли "Юнайтед" кучли тўртлик учун курашда имкониятларини пасайтириб қўйди. "Вулверхэмптон" эса 47 очко билан жадвалда 7-ўринга кўтарилиб олди.

Дарвоқе, АПЛнинг биринчи даврасида "Олд Траффорд"да бўлиб ўтган мазкур жамоалар ўртасидаги дастлабки ўйинда 1:1 ҳисоби қайд этилган эди.

Англия чемпионати, 30-тур
Вулверхэмптон – Манчестер Юнайтед 2:1 (1:1, 1:0)
Голлар: 0:1 – 13 Мактомини, 1:1 – 25 Диогу Жота, 2:1 – 77, автогол Смоллинг.
Вулверхэмптон – Руй Патрисиу, Беннетт, Коуди, Боли, Доэрти, Дендонкер, Рубен Невеш (Саисс, 84), Моутинью, Рубен Винагре (Кастро, 76), Хименес, Диогу Жота (Кавалейру, 73).
Манчестер Юнайтед – Де Хеа, Янг, Смоллинг, Линделеф, Диогу Далот (Перейра, 84), Мактомини, Фред (Джонс, 65), Погба, Шоу, Лингард, Лукаку (Марсьяль, 73).
Огоҳлантиришлар: Шоу (38), Диогу Далот (42), Янг (52), Кастро (90).
Четлатиш: Эшли Янг (57).

Уотфорд – Фулхэм 4:1 (1:1, 3:0)
Голлар: 1:0 – 23 Дукуре, 1:1 – 33 Бабел, 2:1 – 63 Хьюз, 3:1 – 69 Дини, 4:1 – 75 Фемения.
Уотфорд – Фостер, Фемения, Мариаппа, Кэткарт, Холебас, Дукуре, Капу (Кина, 78), Хьюз, Перейра (Янмат, 46), Деулофеу (Грэй, 46), Дини.
Фулхэм – Рико, Чемберс, Ле Маршан, Рим (Сери, 72), Кристи, Замбо-Ангисса, Кэрни (Макдоналд, 87), Брайен, Сессеньон, Митрович, Бабел (Шюррле, 81).
Огоҳлантиришлар: Мариаппа (44), Янмат (47), Чемберс (66), Холебас (90), Кристи (90).