А Про-лига жамоалари ўртасида 1-тур ўйинларига якун ясалди.   Турнинг сўнгги учрашуви Фарғонадаги “Истиқлол” стадионида ўтказилиб, унда мазкур вилоятнинг икки вакили – “Ифтихор” ва “Истиқлол” жамоалари ўзаро тўқнаш келишди.   Учрашув номинал меҳмон сифатида ҳаракат қилган “Истиқлол”нинг катта устунлигида ўтиб, унда йирик – 0:3 ҳисоби қайд этилди. Бу ғалаба “Истиқлол” футболчиларини мусобақада пешқадамга айлантирди.   Умуман, кеча бўлиб ўтган учта ўйиндан иккитасида меҳмонлар ғалаба қозонишган эди. Шу маънода айтадиган бўлсак, 1-тур ўйинлари меҳмонларга аталди.   “А” Про-Лигаси   3 апрель   “Шўртан” (Ғузор) – “Оқтепа” (Тошкент) – 2:1   Голлар: Нурали Падаров (25), Қаҳрамон Баҳодиров (77) – Павел Пуришкин (33)   “Нефтчи” (Фарғона) – “Хоразм” (Хоразм) – 0:1   Гол: Даврон Маматов (70, автогол)   “Шердор” (Самарқанд) – “Машъал” (Муборак) – 0:1   Гол: Муҳаммад Тошпўлатов (90+4)   4 апрель   “Ифтихор” – “Истиқлол” – 0:3   Голлар: Анвар Хожимирзаев (31), Фаррух Иброҳимов (35), Анвар Бердиев (90).