“Динамо” – “Металлург” учрашувидан сўнг мезбонлар устози Даврон Файзиев қуйидагича фикр билдирди: 

- Намойиш этган ўйинимиздан тўлиқ қониқдим, дея олмайман. Лекин бугун ғалабага мос ўйнадик, десам хато бўлмайди. Учрашув ишқибозларга манзур бўладиган – шиддатли руҳда ўтди. “Металлург”дек маҳоратли ва тажрибали ўйинчилардан иборат жамоага муносуб қаршилик намойиш эта олдик. Лекин ҳали чемпионатнинг асосий қисми олдинда. Бугунги ғалабадан ортиқча бўшашиб кетмаслигимиз лозим. Бугун бизга ишониб, ўйин давомида тинмай қўллаб-қувватлаган барча мухлисларимизга эса миннатдорчилик билдираман, - деди мутахассис.