Испания чемпионатининг 31-тури доирасида жадвалда юқори иккита ўринни эгаллаб турган жамоалар тўқнаш келишди. "Атлетико" "Камп Ноу"да "Барса"ни мағлуб этса, чемпионлик учун интригани юзага келтириши мумкин эди.

Томонлар ўйинни анча фаол бошлашди. Бироқ баҳснинг 29-дақиқасида Диего Коста керак бўлмаган жойда ҳакамни сўкди ва қизил карточка олиб майдонни тарк этди. Шундан сўнг меҳмонлар кўпроқ ҳимоя ҳақида ўйлай бошлаган бўлсалар, Вальверде шогирдлари эса хотиржамликка берилишди.

Ўйин давомида каталонияликлар рақиб дарвозаси томон кўплаб зарбалар беришди. Ян Облак зарбаларнинг деярли барчасини қайтарган бўлса, бир вазиятда Альбанинг зарбасидан кейин тўп устунга тегиб қайтди. Ўйин тугашига 5 дақиқа қолганидан Луис Суарес томонидан 18 метрлардан йўлланган зарбани "Атлетико" посбони қайтара олмади. Орадан 1 дақиқа ўтиб эса "кўк-анорранглилар" қарши ҳужум ташкил қилишди ва Месси рақиб дарвозасига иккинчи тўпни киритди.

Шу тариқа, "Барселона" иккинчи ўриндаги "Атлетико" билан очколар фарқини 11тага етказган бўлса, "Реал" ҳамшаҳарларидан бор-йўғи 2 очко ортда қолмоқда.

Испания Ла лигаси, 31-тур
Барселона – Атлетико 2:0 (0:0)
Голлар: 1:0 – 85 Суарес, 2:0 – 86 Месси.
Барселона – тер Штеген, Пике, Серджи Роберто (Нелсон Семеду, 84), Лангле, Альба, Артур (Малком, 63), Бускетс, Ракитич, Коутиньо (Аленья, 80), Месси, Суарес.
Атлетико – Облак, Хименес, Годин, Филипе Луис (Мората, 58), Арьяс (Корреа, 35), Сауль, Коке, Парти, Родри Эрнандес (Хуанфран, 88), Диего Коста, Гризманн.
Огоҳлантиришлар: Парти (27), Хименес (28), Годин (29), Сауль (71), Пике (74), Лангле (78), Суарес (86).
Четлатиш: Диего Коста (28).