Франция чемпионатининг 31-тури доирасида "ПСЖ" ўз уйида "Страсбур"ни қабул қилиб, 2:2 ҳисобидаги дурангга имзо чекди. Ушбу ўйинда мезбонлар ҳужумчиси Эрик-Максим Шупо-Мотинг кулгили вазият қаҳрамонига айланди.
 
Баҳснинг 28-дақиқасида камерунлик Кристофера Нкунку дарвозабон билан яккама-якка вазиятга чиқиб бориб, тўпни дарвоза томон йўллади. Шупо-Мотинг эса дарвозага кираётган тўпни чизиқ устида тўхтатиб қолиб, меҳмонларни голдан "қутқариб" қолди. Чизиқ бўйлаб ҳаракатланган тўп тўсинга тегиб тўхтаб қолди. Ҳимоячи эса хавфни бартараф этди.

Бу вазиятга «ПСЖ» ҳужумчиси Эрик Максим Шупо-Мотинг қуйидагича изоҳ берди.

«Дастлаб Нкунку менга пас беради, деб ўйладим. Лекин у дарвоза томон зарба берди. Ҳимоячи тўпни қайтарса керак деб ўйлагандим. Кейин эса иккиланиб қолдим: «мабодо офсайдда эмасманми?». Барча тез содир бўлди. Тўпдан оёғимни олиб қочишга ҳаракат қилгандим, аммо тўп оёғига тегиб қолди. Бунинг учун узр сўрайман. Биз шундай руҳда ўйнашда давом этишимиз керак», – деди Шупо-Мотинг.