"Барселона"нинг собиқ футболчиси Самуэль Это′Онинг фикрича, жамоанинг собиқ мураббийи Хосеп Гвардиола унинг "кўк-анорранглилар" сафидаги аҳамияти етарлича баҳоламаган.

"Гвардиолага мендан кечирим сўраши керак, чунки "Барселона" Месси эмас, мен туфайли кўплаб ғалабаларга эришган. У пайтларда айнан менинг даврим эди, Месси кейин кучайди. Хави, Иньеста ва қолган барча футболчилар, умуман, менинг давримда жамоада ўйнаганлардан сўранг. Мен жамоа учун кўплаб ғалаба келтирганман ва Гвардиола узр сўраши керак", — деди камерунлик футболчи.

38 ёшли Это′О "Барселона" сафида 2004-2009 йилларда тўп сурган. Жами 199 та ўйинда қатнашиб, 130 та гол урган ва 40 та голли узатмани амалга оширган. Унинг даврида "Барселона" 8 та соврин ютган, шулардан иккитаси ЕЧЛ ғолиблиги.