“Насаф” – “Навбаҳор” учрашувидан сўнг мезбонлар устози Рўзиқул Бердиев қуйидагича фикр билдириб ўтди:
“Навбаҳор” жамоаси бугун ҳимояда жуда яхши ўйин кўрсатди. Рақиб бизга умуман ҳужумда хавфли вазият яратишга имкон бермади.
Биринчи бўлимда жамоамиз мен кутган ўйинни намойиш эта олмади. Буни ҳали албатта батафсил таҳлил қилиб кўрамиз.
Иккинчи бўлимда эса ташаббусга эгалик қилган бўлсак ҳам голли вазият яратишни уддалай олмадик. Бугун ғалабага лойиқ ўйин намойиш эта олмадик.
Ўйиннинг 1:0 ҳисобида рақиб фойдасига ҳал бўлганининг асосий сабаби – “Навбаҳор”нинг яхши ҳимоялана олгани, деб ўйлайман”, - деди мутахассис.
