Профессионал бокснинг нуфузли йўналиши саналган WBC март ойи учун янги рейтингини эълон қилди. Унга кўра, ўзбекистонлик икки нафар боксчи мазкур рейтингдан ўрин эгаллади. Бу ҳақда GoSport.uz интернет-нашри мухбири хабар бермоқда.

Ярим ўрта (-66,68 кг) вазн тоифаси вакили Қудратилло Абдуқаҳҳоров (16-0, 9 КО) рейтингда бир ой олдинги ўрни — 5 ўриндан бир поғона юқорилаб 4-ўринга жойлашган. Айни вақтда у IBF рейтингида биринчи, WBO рейтингида эса 11-ўринларни эгаллаб турибди.

Супер ўрта (-76,2 кг) вазн тоифасида рингга кўтарилаётган ўзбекистонлик Азизбек Абдуғофуров (12-0, 4 КО) эса янги рейтингда бир ой олдинги поғонаси — 5-ўринда қолган. WBC Silver камари соҳиби бўлган Азизбек яқин бир ой ичида камарини ҳимоя қилиши шарт бўлади.

WBC йўналиши бўйича рейтингда ўзбекистонлик бошқа боксчилар ўрин олишмаган.