Professional boksning nufuzli yo‘nalishi sanalgan WBC mart oyi uchun yangi reytingini e’lon qildi. Unga ko‘ra, o‘zbekistonlik ikki nafar bokschi mazkur reytingdan o‘rin egalladi. Bu haqda GoSport.uz internet-nashri muxbiri xabar bermoqda.
Yarim o‘rta (-66,68 kg) vazn toifasi vakili Qudratillo Abduqahhorov (16-0, 9 KO) reytingda bir oy oldingi o‘rni — 5 o‘rindan bir pog‘ona yuqorilab 4-o‘ringa joylashgan. Ayni vaqtda u IBF reytingida birinchi, WBO reytingida esa 11-o‘rinlarni egallab turibdi.
Super o‘rta (-76,2 kg) vazn toifasida ringga ko‘tarilayotgan o‘zbekistonlik Azizbek Abdug‘ofurov (12-0, 4 KO) esa yangi reytingda bir oy oldingi pog‘onasi — 5-o‘rinda qolgan. WBC Silver kamari sohibi bo‘lgan Azizbek yaqin bir oy ichida kamarini himoya qilishi shart bo‘ladi.
WBC yo‘nalishi bo‘yicha reytingda o‘zbekistonlik boshqa bokschilar o‘rin olishmagan.
