Бир неча йилдан бери миллионлаб мухлисларни қийнаб келаётган саволга жавобни машхур футболчилар беришади. Уларнинг назлида ким кучлироқ?
Эден Азар
Сўнгги 10 йилдан бери «Барселона» энг кучли жамоа бўлиб келмоқда. Шундай экан ўз-ўзидан Месси дунёнинг биринчи рақамли футболчиси десам, адашмаган бўламан. Тўғри, Роналду феномен, аммо мен учун Мессининг ўйинларини томоша қилиш ёқимлироқ
Роберт Левандовски
Бу икки футболчининг даражаси қолган футболчиларникидан анча баланд. Улар шунчаки мўъжизанинг ўзгинаси. Агар улардан бирини танлаш керак бўлса, мен Роналдуни танлаган бўлар эдим. Унинг ўйин услуби менга кўпроқ ёқади десам, адашмаган бўламан.
Мбаппе
Мен ҳеч қачон уларни солиштирмаганман, солиштирмайман ҳам. Бу футболчилар замонавий футболнинг оммалашишига катта ҳисса қўшишди. Танлаш керак бўлса, мен Роналдуни танлайман. Сабаби, у менинг кумирим.
Кевин Де Брюне
Менга бу саволни жуда кўп бор беришган, ҳар доим бир хил жавоб қайтарган бўлсамда. Мен уларни солиштиришни истамайман. Сабаби, футбол оламида улардан бошқа ҳам кучли футболчилар мавжуд
Карлос Тевез
Месси катта футболга кириб келганида Роналду машғулотлар залида ётиб қолиб шуғулланар эди. Бу ҳол ҳозиргача давом этмоқда. Роналду жуда меҳнаткаш йигит. Месси эса ўта иқтидорли. Агар танлаш керак бўлса, мен Роналдуни танлаган бўлар эдим. Бу у Мессидан кучли дегани эмас, аммо унинг ўз устида ишлаши мени ҳайратда қолдиради.
Пеле
Месси кучли футболчи. У Роналдудан анча кучлироқ эди. Шунга қарамсдан сўнгги 4 йил давомида Мессида сезиларли пасайиш кузатилди. Роналду эса ўз устида ишлашда давом этмоқда ва у Мессини қувиб ўтди деб ўйлайман. Саволингизнинг жавоби Роналду!
Марио Гётце
Мени немис Мессиси деб аташларини хоҳламайман. Сабаби, менинг орзуйим немис Роналдуси бўлиш!
Марадона
Роналду сўнгги пайтларда ҳаммадан олдинда эканлиги рост, аммо дунёнинг биринчи рақамли футболчиси барибир Мессилигича қолаверади.
Коке
Роналду атлет бўлса, Месси гол дегани! Менимча Роналду ҳозирда бироз Мессидан кучлироқдек кўринаётган бўлиши мумкин, бироқ мен ўз жамоамда Месси бўлишини кўпроқ хоҳлар эдим.
Стивен Джеррард
Лионел ўзга сайёрадан келгандек. Унинг кўрсатаётган ўйинлари мени ҳар доим ҳайратда қолдириб келади. Тўғри, сўнгги пайтларда Роналдунинг спорт формаси кучлироқдир, аммо Месси ундан бироз олдинда.
