“Андижон” – “Насаф” учрашувидан сўнг меҳмонлар устози Рўзиқул Бердиев қуйидагича фикр билдириб ўтди:
"Бугунги учрашув кескин курашлар остида ўтди. Менинг жамоам “Андижон”дан асло кучсиз эмас. Тўғри, бугун мағлуб бўлдик.
Лекин келгуси баҳсларда албатта ютамиз. Бунга амин эканимни таъкидлай оламан. Бизнинг олдимиздаги энг асосий вазифа – шу ёш ўйинчиларнинг тажриба тўплашларига имкон бериш. Бугунги баҳсдаги мағлубиятимизга асосий сабаб – стандарт вазиятлар бўлди. Ҳимояда эътиборлироқ ўйнашимиз лозим эди", - дея фикр билдирди мутахассис.
