"Ньюкасл Юнайтед" бош мураббийи Рафаэль Бенитес мураббийлик фаолиятини тугатиш арафасида чемпионлар лигасида ғолиб чиқиш орзуси ҳақида гапирди.
"Мураббийлик иши менга ёқади, аммо 70 ёшда тугатиш керак деб ўйлайман. Келаси мавсумда қаерда иш бошлайман билмайман, аммо совринлар учун курашиш керак. Энг яхши соврин бу - чемпионлар лигаси. Шунинг учун яқин 11 йилда бу кубокни ютишни истайман", - дейди Бенитес.
Бенитеснинг "Ньюкасл" билан амалдаги шартномаси 30 июнда тугайди.
Бенитес "ҳаккалар"ни 2016 йилнинг июнидан бошқариб келмоқда. Испаниялик мутахассис жамоани Чемпионшипга тушиб кетишдан қутқара олмади, аммо кейинги йилдаёқ уни АПЛга қайтарди. Ўтган мавсумда "Ньюкасл" 10-ўринни эгаллади.
