Англия профессионал футболчилар ассоциацияси (PFA) ўзининг Твиттердаги саҳифаси орқали Англия премьер-лигасининг ушбу мавсумидаги рамзий терма жамоасини эълон қилди.
Ушбу мавсумда ўтказиб юборилмаган ўйинлар сони бўйича «Ливерпуль» посбони Алисон Бекер пешқадам бўлиб турганига қарамай, у рамзий терма жамоага киритилмади. Унинг ўрнига «Манчестер Сити» дарвозабони Эдерсон Мораес номзоди танланди.
Ушбу жамоадан «Манчестер Юнайтед» ярим ҳимоячиси Поль Погба ўрин олди. Аммо «Челси» ярим ҳимоячиси Эден Азар ва «Ливерпуль» ҳужумчиси Муҳаммад Салоҳга жой топилмади.
Умуман олганда, рамзий терма жамоасидан «Манчестер Сити»нинг олти нафар, «Ливерпуль»нинг тўрт нафар ва "МЮ"нинг бир футболчиси ўрин олган.
PFA версияси бўйича АПЛнинг 2018/2019 йилги мавсумидаги рамзий терма жамоаси (4-4-3):
Дарвозабон: Эдерсон Мораес («Манчестер Сити»)
Ҳимоячилар: Трент Александер-Арнольд, Вирджил ван Дейк (иккиси – «Ливерпуль»), Эмерик Лапорт («Манчестер Сити»), Эндрю Робертсон («Ливерпуль»);
Ярим ҳимоячилар: Поль Погба («Манчестер Юнайтед»), Фернандиньо, Бернарду Силва (иккиси – «Манчестер Сити»);
Ҳужумчилар: Раҳим Стерлинг, Серхио Агуэро (иккиси – «Манчестер Сити»), Садио Мане («Ливерпуль»).
