ПФЛ талабига кўра, жорий мавсумдан бошлаб, ҳар бир клуб ўз мадҳиясига эга бўлиши шарт этиб белгиланди. Буни амалга ошириш мақсадида “Навбаҳор” жамоасининг мадҳияси учун танлов эълон қилинганди.
Клуб матбуот хизматининг маълумот беришича, комиссия аъзолари томонидан танловга келган кўплаб вариантлар кўриб чиқилди. Натижада Баҳодир Жўраевнинг шеъри “Навбаҳор” мадҳияси сифатида тасдиқланди.
Энди мухлислар севимли жамоалари ўйинлари пайтида мазкур мадҳияни жўр бўлиб ижро этишади.
“Навбаҳор”
Баҳодир Жўраев сўзи
Биз, Наманган лочини футбол билан яшаймиз,
Ғолиблик йўли сари олға қадам ташлаймиз.
Ёмғир ёки иссиқда тўлар ўйингохимиз,
Чунки фахрим “Навбаҳор” - бизнинг жон-у дилимиз.
Нақарот
“Навбаҳор”, “Навбаҳор”, “Навбаҳор” бизга ғалаба даркор,
Буюк “Навбаҳор”!!!
Биз доим қувонч билан меҳмонларни кутамиз,
Меҳнат қилсак албатта, ғалабага этамиз.
Қани, энди баралла келинг, бирга айтамиз,
Наманганнинг энгилмас учқур лочинларимиз.
Нақарот
“Навбаҳор”, “Навбаҳор”, “Навбаҳор” бизга ғалаба даркор,
Буюк “Навбаҳор”!!!