Франция футбол федерацияси (FFF) тартиб-интизом қўмитаси пайшанба куни "ПСЖ" ҳужумчиси Килиан Мбаппега чора кўриш масаласини кўриб чиқади.
20 ёшли ўйинчи Франция кубоги финалида "Ренн" билан ўйинда (2:2 пен- 5:6) рақиб ҳимоячиси Дамьен Да Сильванинг оёғига бутса тишлари билан тепгани учун майдондандан четлатилган эди.
Лига 1 регламентига кўра, Мбаппе 3-4 ўйинга четлаштирилиши мумкин. У бугун "Монпелье"га қарши ўйиннип аниқ ўтказиб юборади.
Бундан ташқари, тартиб-интизом қўмитаси ўша ўйинда "ПСЖ" ҳужумчиси Неймарнинг ҳаракатини кўриб чиқади. Бразилиялик футболчи парижлик футболчиларни ҳақорат қилгани учун бир мухлиснинг юзига урган.
Унга 3дан 8 ўйингача дисквалификация белгиланиши мумкин, аммо қарор чиқарилиши 10 май кунига қолдирилиши мумкин.
