"Манчестер Юнайтед" бош мураббийи Оле-Гуннар Сульшер АПЛнинг 36-турида "Челси" билан ўйиндан сўнг (1:1) ҳуумчи Антони Марсиални танқид қилди.
23 ёшли француз ушбу ўйинда майдонга тушмади. Сульшер Марсиалнинг қандай шуғулланишидан қаттиқ ранжиди.
Футболчи машғулот вақтида тўхтаб қолди, қўлини белига қўйди ва тўпни оёғи остига олиб, шерикларини кузатди.
Марсиал бели оғриётганини айтди, аммо ўйиндан сўнг Сульшер бошқа футболчилар олдида танбеҳ берди. Мураббий футболчини қаттиқ танқид қилди.
Эслатиб ўтамиз, аввалги мураббий Жозе Моуриньода ҳам Марсиал билан муаммолар бор эди. У футболчини сотишга тайёр бўлган.
Марсиал АПЛнинг ушбу мавсумида 26 ўйинда 10 та гол урган ва 3 та голга тўп оширган.
