Франциянинг “Кан” клубида фаолият олиб борадиган марокашлик ярим ҳимоячи Файсал Фажр Франция чемпионатининг навбатдаги тур баҳсида жамоасига ғалаба олиб келди. Бу ҳақда Worldnews.uz ахборот агентлиги хабар берди.
Гап шундаки, Фажрнинг чап қанот узоқ масофадан йўллаган зарбасини “Дижон” клуби дарвозабони қайтара олмади.
“Дижон” голкипери исландиялик Рунар Алекс Рунарссон зарба йўлланган вақтда дарвоза чизиғидан анча узоқ масофада жойлашган эди. Айнан шу сабаб у зарбани қайтара олмади.
Марокашлик футболчининг 67-дақиқадаги голи ўйиндаги ягона ғалаба голи бўлиб қолди.
