Олимпиячиларимиз каби 19 ёшли қизлар терма жамоамиз ҳам нуфузли мусобақадан бенасиб қолишди.    Мьянма шаҳрида давом этаётган 19 ёшли қизлар ўртасида Осиё чемпионати саралаш ўйинлари ўзбекистонликлар учун ниҳоясига етди.   1-турда майдон эгаларидан мағлубиятга учраган, 2-турда эса непалликлар устидан йирик ҳисобда ғалабага эришган терма жамоамиз бир неча дақиқа олдин якунига етган Австралияга қарши ўйинда уч очкони қўлга киритганларида мусобақани давом эттириш ҳуқуқига эга бўларди. Афсуски, Карима Йўлдошева шогирдлари қитъанинг кучли термасига қарши ўйинда рақибларига йирик – 1:4 ҳисобида ютқазиб қўйди.   Австралия олдинги икки ўйинда юз фоизли натижа кўрсатиб, мақсадига эришганди, 2-ўринга эса биз ва мезбонлар термаси даъвогарлик қилаётганди. Қизларимиз мағлуб бўлишди, ҳали давом этаётган Мьянма термасининг Непалга қарши ўйинида майдон эгаларининг очко йўқотиши денгиздан қуруқ тош олиб чиқишдек гап.   Шундай экан, келаси йили Таиландда бўладиган Осиё чемпионатининг финал босқичи ўзбек қизларисиз ўтадиган бўлди.