“Фейеноорд” футболчилари антиқа хайрия учрашувини ўтказишди. Профессионал клубнинг 11 футболчисига қарши майдонда 120 бола ҳаракат қилган.
Учрашув 2:2 ҳисобидаги дуранг натижа билан якунланган. Учрашув клубнинг бош ҳомийси Opel компанияси томонидан ташкиллаштирилган.
“Биз сизни кўргани келамиз ва бўлди, деб ўйлаганмидингиз? Бироқ биз барчангиз билан ўйнаш мароқлироқ бўлади, деб ўйлаймиз”, деб айтган клуб ярим ҳимоячиси Йенс Торнстра.
Роттердам клуби Нидерландиянинг Эредивизиясида ўзига Европа лигасида иштирок этиш ҳуқуқини берувчи 3-ўринни кафолатлаб қўйди. Клуб кейинги мавсумда Европа лигасидаги иштирокини 2-саралаш босқичидан бошлайди.
