"Реал" клуби "Айнтрахт" ҳужумчиси Лука Йовичнинг трансфери борасида келишиб олди, дея хабар беради As.
Сербиялик 21 ёшли футболчининг трансфери 60 млн еврони ташкил қилади, бундан 48 миллион евро немис клубига, қолган 12 миллион евро футболчининг аввалги клуби - "Бенфика"га тегади.
Ҳужумчининг мадридликлар билан тузилажак шартномаси 6 йилга мўлжалланади.
Йович 2017 йилда "Бенфика"дан "Айнтрахт"га ижарага ўтган, ўтган йилнинг апрелида немислар унинг трансферини сотиб олган ва у билан шартнома имзолаган эдилар.
У Бундеслиганинг ушбу мавсумида 29 ўйинда 17 та гол уриб, 6та голга тўп оширди.
