“Бухоро” – “Насаф” учрашувидан сўнг меҳмонлар устози Рўзиқул Бердиев қуйидагича фикр билдириб ўтди:
- Бугун бизга омад кулиб боқди. Қолаверса, ўйин охиридаги вазиятда дарвозабонимиз бизни муқаррар голдан қутқарди. Бугун иккала таймнинг ҳам бошида анча яхши ҳаракат қилдик. Бўлимлар бошида хавфли вазиятлар яратдик. Лекин охирига келиб чарчоқ аломатлари сезила бошлади. “Бухоро” жамоаси – жуда курашувчан жамоа. Шу сабабдан ҳам йигитларга курашда имкониятни рақибга бой бермаслигимиз лозим эканини уқтирган эдим. Менимча, буни уддалай олдик ва якунда ғалаба қозондик, - деди мутахассис.
