Ўзбекистон Суперлигаси 7-тур ўйинлари якунига етди. Ҳар доимгидек тур лауретларини эълон қилишда давом этамиз.
Stadion.uz талқинига кўра, Суперлига 7-турининг энг яхши дарвозабони деб "Насаф" посбони Абдувохид Неъматов топилди. Эслатиб ўтамиз, Неъматов ўтган турнинг ҳам энг яхши дарвозабони деб топилиб, рамзий терма жамоадан ўрин олган эди.
Ёш бўлишига қарамасдан Неъматов бир неча вазиятларда жамоасини муқаррар голлардан қутқариб қолди. Шунингдек у кетма кет 2та ўйиндан буён ўз дарвозаси дахлсизлигини сақлаб қолди. Неъматовнинг ҳаракатлари туфайли "Насаф" сафардан 3 очко билан қайтди.
