“Барселона” ҳужумчиси Лионель Месси клуб ёзги трансферлар вақтида бир нечта позицияларни кучайтиришини истамоқда деб хабар беради Don Balon нашри. 

Манбанинг хабар беришича, аргентиналик футболчи ҳар бир позиция учун футболчи танлаб бўлган экан. 

У ёзда “Аякс” дарвозабони Андре Онанаваҳимоячи Маттейс де Лигтни сотиб олишни лозим деб топмоқда. 

Бундан ташқари Каталония клуби Мессининг кўрсатмасига кўра, ҳужумчилардан Лука Йович (“Айнтрахт”, Франкфурт) ва Ирвинг Лосанони (ПСВ, Эйндховен) харид қилиши мумкин . 

Апрель ойининг охирларида ҳудди шундай илтимос билан “Ювентус” ҳужумчиси Криштиану Роналду ҳам мурожаат қилган эди. 

Эслатиб ўтамиз, Месси жорий мавсумда Испания чемпиони бўлди. Шунингдек у чемпионлар лигасининг ярим финалида ҳам муваффақиятли иштирок этмоқда.