Сирдарё вилояти Мирзаобод туманида 9 май – Хотира ва қадрлаш кунига бағишлаб спортнинг миллий кураш тури бўйича “Ҳоким кубоги” Сирдарё вилояти очиқ турнири бўлиб ўтди.   Вилоят ҳокимининг қарори билан “Май – спорт ойлиги” деб эълон қилганлиги муносабати билан ташкил этилган очиқ турнирда вилоятнинг барча туман ва шаҳарлари ҳамда қўшни Жиззах вилоятидан жами 100 нафардан ортиқ спортчилар иштирок этди.    – Юрт тинчлиги, халқ фаравонлиги йўлида жонини фидо қилган иносонларни хотирлаш – миллатимизнинг муқаддас анъаналаридан биридир, – дейди Мирзаобод тумани жисмоний тарбия ва спорт бўлими бошлиғи Анвар Бўронов. – Турнирда ён қўшнимиз жиззахлик полвонларнинг иштироки “Ҳоким кубоги” очиқ хотира турнири нуфузини ва беллашувлардаги кескинлик ҳамда морсасизликни янада оширди.    Келгусидаги республика ва халқаро беллашувлар олдидан ушбу очиқ турнир ҳар икки вилоят полвонлари учун жуда муҳим тайёргарлик вазифасини ўтайди.    Мусобақа ғолиб ва совриндорлари ташкилотчиларнинг кубок, диплом, медаллари ҳамда қимматбаҳо совғалари билан тақдирланди.