Ўзбекистон футбол ассоциацияси Ўзбекистон миллий терма жамоасига ФИФА кунларида кучли спарринг-рақиблар топиш учун кўплаб терма жамоалар билан музокаралар олиб бораётгани ҳақида хабар бериб ўтгандик.

Музокаралар натижасига кўра Корея Халқ Демократик Республикаси терма жамоаси билан келишувга эришилди. Жорий йилнинг 7 июнь куни Шимолий Корея терма жамоаси пойтахтимизда меҳмон бўлади.

Эслатиб ўтамиз, Ўзбекистон миллий терма жамоаси шу йилнинг сентябрь ойидан бошлаб 2022 йил Қатарда бўлиб ўтадиган Жаҳон чемпионати саралаш баҳсларидаги иштирокини бошлайди.