"Манчестер Юнайтед" устози Уле-Гуннар Сульшер жамоасининг кейинги мавсумда Англия чемпиони учун курашиш имкони ҳақида гапирди.
"Мен вазиятга реал қарайман. Агар "Манчестер Юнайтед" кейинги мавсумда чемпионлик учун кураша олса, бу шунчаки фантастика бўлади. Кейинги мавсумда рақобатбардошликни оширишимиз керак. Кейинги йилнинг февраль-март ойларида етакчилар сафида бўлсак, айни муддао бўларди.
Ёзда трансфер бозорида катта иш олиб боришимиз, жамоада узоқ йиллар ўйнай оладиган футболчилар харид қилишимиз керак. Аммо бунга тайёр эмасмиз. "Манчестер Юнайтед" ҳеч қачон тайёр футболчиларни сотиб олишни кўзлайдиган жамоа бўлмаган. Роналду ҳам, Руни ҳам "МЮ"га ўтгунга қадар тажрибали футболчига айланиб улгурмаганди. Футболчилар аввал "МЮ"га келишади, кейин топ футболчига айланишади", — деди Сульшер.
